Австралиската полиција во текот на интервенција поради кражба и наводен обид за киднапирање, во кој учествувале четворица мажи во северозападен Сиднеј, откри 722 килограми кокаин во вредност од повеќе од една милијарда австралиски долари.
Полицијата во Нов Јужен Велс одговорила на пријавата за кражба во северниот дел на Сиднеј во понеделникoт во 6:25 часот и пронашла четворица мажи како седат во автомобил „тојота јарис“ во подземната гаража на станбен комплекс, облечени во црна облека и со маски на лицата.
Од полицијата велат дека во автомобилот пронашле шипка од 60 сантиметри, ракавици, сатар за месо, нож, скалпел за кутии, мобилни светла и опрема за врзување, работи за кои рекле дека укажуваат на обид за киднапирање и четворицата мажи на возраст од 24, 23, 20 и 19 години се уапсени на лице место.
Откако го идентификувале 24-годишникот, за кого се тврди дека четворицата мажи имале намера да ограбат и киднапираат, полицијата извршила налог за претрес во неговиот стан и го пронашла кокаинот.
Младиот човек исто така е уапсен и ќе одговара за набавка на наркотици во „голема комерцијална количина“ и свесно стекнување финансиска корист преку криминални активности.
