Јирген Клоп скокна во одбрана на своите фудбалери по лошиот старт во сезоната, вели дека и најдобрите фудбалери како Кристијано Роналдо и Лео Меси имаат падови.
„Црвените“ лошо ја отворија новата сезона во Премиерлигата, имаат само две победи на седум натпревари и веќе заостануваат 11 бода зад лидерот Арсенал.
Фудбалерите на Ливерпул често добиваат критики, но Јирген Клоп реши да скокне во нивна одбрана.
– Дали мислите дека Кристијано Роналдо во моментов пука од самодоверба? А тој со години беше најдобриот фудбалер во светот – вели Германецот.
– На сите им се случува. Лео Меси минатата сезона не личише на себе.
