Лидерот на Возраждане Костадинов ни дојде со нова провокација: “Треба да бидеме една држава, ние сме еден народ со ист јазик“

Бугарскиот пратеник и лидер на националистилчката партија Возраждане (Преродба) Костадин Костадинов беше на отворањето на КИЦ на Бугарија во Скопје при што го повтори радикалниот став дека Македонија е втора бугарска држава, односно треба да бидеме една држава која ќе се протега од Црно Море до Охридско Езеро.

– Се разбира, Македонија е втора бугарска држава. Секој Бугарин ја сака Македонија, ние сме еден народ, зборуваме еден јазик и имаме заедничка култура. Но јас ништо не ве убедувам (уште не прави будали во лице, па штотуку во претходната реченица изрази став кој треба ние да му го прифатиме -н.з.). Си имате глава на рамењата. Јас ве убедувам ли како да се чувствувате? Зошто тогаш на луѓето тука кои сакаат да се чувствуваат како Бугари им забранувате така да се чувствувааат? Ете, повеќе од 15 минути со вас зборуваме еден ист јазик, се разбираме. Јас немам против да чувствувате како Македонци – рече тој во дебата со македонските новинари пред КИЦ.

Но практично тоа што се случи бепше дека во центарот на Скопје Костадинов и неколкумина негови колеги од партијата Возраждане ја негираа македонската посебност. Тврдеше дека Бугарија никогаш не ја окупирала Македонија зашто таква држава поранои не постоела. Затоа, пак, бугарската војска го ослободила Скопје од Германците во 1944!?

– Бугарија и Македонија никогаш не воделе војна! Имавте ли држава во Втората светска војна? Дајте ми документи каде што има окупација. Напротив, тука се создадени комитети кои со радост ги пречекале бугарските војски. Кој ги избрка германските војски? Нашата војска ве ослободила. Документите тоа го велат, дебатираше Костадинов.

На прашањето дали има одговорност и дали треба да се извини за неговите изјави што среде Скопје вели дека Македонија е Бугарска, тој рече дека не сака да лаже.

– Зошто да се извинувам, не ме терајте да лажам. Некои од вас мислат дека се Македонци, други не мислат така. Не се 3.500 Бугари, туку повеќе. Има многу граѓани со со бугарски пасоши. Да си ја зборуваме вистината. Бугарија и Македонија кои треба да бидат една, еден народ кој треба да биде од Црно Море до Охридско езеро. Не се чувствувам во туѓа земја и затоа не сметам дека тоа ќе биде окупација. Партијата Возраждане работи на обединување на двете бугарски државни формации во една заедничка држава. Патот до ова обединување е целосна економска, културна и политичка интеграција, што ќе доведе до обновување на нарушеното единство на бугарската нација и ќе ја направи Бугарија најголема и најсилна земја во Југоисточна Европа, кажа Костадинов.

Останати вести