Интересен натпревар во кој Алтона Маџик направи големо изненадување пред домашната публика, совладувајќи ја екипата на Авондаел, што е главен конкурент на Саут Мелбурн за првото место на табелата. Црвено-црните заслужено славеа и беа подобра екипа преку целиот натпревар. Единствениот гол на средбата беше постигнат од Даниел Фабрицио во 34 минута.
Во завршницата вистински херој беше голманот на Алтона Маџик Вардар бидејќи во судиското продолжение, после еден удар кон голот, имаше ненамерна игра со рака во казнениот простор и веднаш судијата досуди пенал. Соочени во последните моменти со поделба на бодовите Кристијан Роси извонредно го одбрани ударот од белата точка и вториот удар од одбиената топка зачувувајќи ја победата и трите бода.
Во недела, на 14 јули, Алтона Маџик Вардар гостува кај Сент Албанс со почеток во 15 часот.
ТАБЕЛА
Саут Мелбурн 47
Авондаел 43
Окли Канонс 43
Хјум Сити 40
Хајделберг Јунајтед 38
Данденонг Сити 31
Порт Мелбурн Шаркс 30
Мелбурн Најтс 29
Алтона Маџик Вардар 27
Грин Гали 24
Данденонг Тандер 22
Манингам Јунајтед 14
Мореланд Сити 10
Сент Албанс 10
