Популарниот фолк музичар Јордан Митев минатата седмица започна со својата турнеја низ Австралија. Првите концерти што се одржаа во НЈВ беа целосно распродадени за многу кратко време, и многумина во Сиднеј и Волонгонг што не успеаја да купат карти останаа пред салите во кои настапуваше Митев.
Овој петок на ред е Мелбурн и дознаваме од „Република Ентертејнмент“, којшто е организатор на концертите, дека салата на „Фераро рецепција“ е исто така распродадена. Следат уште девет концерта во наредниве недели во: Мелбурн, Сиднеј, Волонгонг, Њукастел, Голд Кост, Џилонг итн.
Турнејата на Јордан Митев и неговиот оркестар од Македонија завршува со концерт во Перт на 18 ноември.
