Со мало задоцнување, минатата сабота, во организација на ФОМКУД за Викторија се одржа “Илинденскиот фестивал“. Ова беше 37-ти по ред “Илинденски фестивал” во Мелбурн, кој се одржува уште од далечната 1988 година, а на него настапија нашите млади и прекрасни амбасадори на културата што играат во македонските културно-уметнички друштва во Викторија. На настанот учествуваа следните МКУД: “Јане Сандански“, “Светлост“, “Никола Карев“, “Александар III Македонски“, “Тоше“, “Гоце Делчев“ и “Илинден“.
Во прекрасната сала на Plenty Ranges Arts & Convention Centre во Саут Моранг играорните групи приредија вистински спектакл и го дадоа најдоброто од себе презентирајќи ја македонската традиција низ песна и оро. Присутната публика ги награди изведбите со громогласни аплаузи и овации.
Честитки до организаторите ФОМКУД Викторија, родителите, волонтерите.
Може да видите видео од настапот на играорците на АММД Никола Карев: https://www.facebook.com/AMYANikolaKarev/videos/309974131550160
