Сиднам Парк Македонија – Вестгејт ФК 1-1 (0-1)
Сиднам Парк Македонија со нерешениот резултат можеби ја загуби шансата за втората позиција на табелата што носи дирекнтен влез во Првата лига на Викторија. Со освојувањето на само еден бод Сиднам Парк Македонија падна на петто место. Кило Парк со Авондејл Хајтс и Брансвик Сити ќе играат за втората позиција во последните три натпревари. Од сегашната перспектива најмногу шанси имаат екипите на Авондејл Хајтс и Брансвик Сити, кои имаат два заостанати натпревари за играње оваа сезона. Нареднава седмица Втората фудбалска лига ќе ги игра заостанатите натпревари и тогаш сигурно ќе се знае кој ќе го освои посакуваното второ место во Втората лига на Викторија.
Гостите дојдоа во водство во триесеттата минути од играта, кога голманот на Сиднам Парк Македонија направи грешка и им подари гол за 0 -1, со тој резултат се отиде на одмор.Во второто полувреме фудбалерите на Бечвиновски беа тие што го диктираа фудбалското темпо и во 75 минута Коце Делев изедначи на 1-1.
Екипата на Бечвиновски имаше добра шанса да ги однесе трите бода кога во второто полувреме гостите останаа да играат со еден играч помалку заради доделениот црвен картон.
Вестгејт до крајот на натпреварот беше притиснат од нападите на браќата Коце и Коле Делев, кои имаа одлична шанса во 89 минута, кога со глава ја зафати топката Коле Делев, но за жал ја промаши целта од само неколку метри растојание. Со овој освоен бод шансите се загубени за втората позиција и промоција. В сабота, на 7 септември, Сиднам Парк Македонија игра на теренот на Мореланд Сити со почеток во 15:00 часот.
