Британскиот принц Хари и неговата сопруга Меган се дистанцираа од новообјавената книга „Откривајќи ја слободата” за нивниот живот во кралското семејство, тврдејќи дека тие никогаш не придонеле за книгата ниту биле интервјуирани или дале изјава пред авторите на книгата, објави “Ројтерс”.
Книгата, која се очекува во август, ја потпишуваат новинарите од британскиот двор Керолин Дуран и Омид Скоби, објави порано лондонскиот “Телеграф”. Според „Лондон Тајмс”, авторите на книгата пишуваат за кавги меѓу членовите на кралското семејство, но Меган оценила дека овие наводи биле „таблоидно мрцварење”.
