Премиер лигата на Западна Австралија: Бејсвотер Сити – Стирлинг Лајонс 2:1
Кај нашиот Стирлинг Лајонс сигурно долго време ќе остане во сеќавање денот кога им избега од раце посакуваниот куп. Водството од првото полувреме за Лавовите сигурно значеше многу и зрак на надеж дека по успешно завршената сезона со првото место во шампионатот дека и купот заслужено ќе дојде во клубот, но за жал, тоа не го мислеа и фудбалерите на Бејсвотер кои прво го изедначија резултатот и на три минути пред крајот на средбата го постигнаа и победоносниот гол.
Екипата на Бејсвотер сепак не е за потценување, тие завршија веднаш зад Стирлинг Лаојонс во првенството и еднаш за време на разигрувањата за купот извојуваа победа.
Второто полувреме беше кобно за Лавовите а причината за поразот може да ја анализираат за време на паузата до следната сезона.
Стрелци на головите за Бејсвотер Сити: Маруланда 53 м. и Ховарт во 87 м., единствениот гол за Стрилинг Лајонс го постигна Гарет Мекглин во 29 минута.
