Бродмедоу Маџик – Ламбтон Џафас 4:1
Нашиот претставник од Њукастел Бродмедоу Маџик, со победата над Ламбтон Џафас, го освои по третпат купот на северен НЈВ.По освојувањето на овогодишната шампионска титула, ова е вистинска круна на извонредната година за Бродмедоу Маџик.
Ова е седма победа за Бродмедоу Маџик во големото финале за купот, и четвртпат се во исто време и шампиони на лигата.
Тренерот на Маџик Роберт Вирџил беше презадоволен од своите фудбалери со кои ова му е последна година, бидејќи реши да се пензионира по 17 години работа како тренер. Тој и понатаму ќе биде инволвиран со клубот но има намера да направи извесна пауза.
Од другата страна тренерот на Ламбтон Џафас, Давид Танчевски, смета дека неговата екипа имаше тежок пат до финалето што го исцрпи тимот. Сепак тој е задоволен со успехот на неговата екипа во првата сезона во оваа лига.
